Findine na thinge certaine quhat he wos hes first bigget the hows, wil leawe that pwrpos, and schawe quhat may yit be gadderrit of the rowines and grounds thearof. The forme quharof appeires schortly to heawe beine thus: first, the Castelle hes beine of fowr quarters, al compleit in euerie quarter, ane hie and square Towre, withe ane gryt barmkine wale passand fra towre to towre; the heale circuit battellit bothe withine and withowt; the breid thearof fywe large footis, the height thearof yit in swme partis that remanis on the southe and west qwarters abowt fyftie foot, al of gryt square stone, quhilk is ane argwment of the strenthe of that age, or rather gryt engine, to heawe conuoyed sa gryt and weightie stons sik ane hight. Then first, to begine at the east quarter, the east gawel of the Chappel fra that part quhar now is the yeate to the Orologe hil, thear may be perfytlie yit seine the ground of that Towr, quhar the wal is gon, al of hewine stone throw the entrie of the throt of the rod or narrowe geatthat passethe downe to the bwrne, sa that thear hes beine na passage of auld thear. The heale towre hes beine vithowt the compas of the clos, for the entrie to the same yit is restine. In the southe wale of the Chappel ane lytil dore zit standine, quhilk beine biggit wpe on the southe syd, is nowe in forme of ane bowel. Fra this Towre and betuix it nd the west qwarter, thear hes beine ane gryte barmkine wale on the